"Fransa senatorları qaradərililəri dənizdə boğanların nəvələridir" - Fəzail İbrahimli


  • 12:16 / 26 11 2020 |
  • Bölmə: Gündəm


Milli Məclisin vitse-spikeri Fəzail İbrahimli bugünkü iclasdakı çıxışında Fransanın simasında beynəlxalq hüququn olmadığının bir daha aşkara çıxıdığını əks etdirən fikirlər səsləndirib. 
"Rupor" xəbər verir ki, vitse-spiker deyib: 
"Beynəlxalq hüquq haradadır? Biz 30 ildir, o hüquqa söykəndik, nəticə olmadı. Bizim nəticə 44 günlük gücə söykənir. Fransa senatorlarının kimliyinə baxılmalıdır. Onlar Əlcəzairdə qırğınlar törədənlərin, qaradərililəri dənizdə boğanların nəvələridir. Bu, həm də Avropa demokratiyasının sifətini açır. Hələ 107 il əvvəl Əhməd bəy Ağaoğlu yazırdı ki, uğrunda mübarizə apardığımız Avropa demokratiyası Balkan hadisələrindən sonra rəngini dəyişdi. Fransa senatın qərarı Avropa demokratiyasının üzünə tüpürməsidir. Fransanın içi yanır, göynəyir, çünki Türkiyə və Rusiya onu kənarlaşdırdı, münaqişəni həll etdi. Fransa axı ermənilərə söz vermişdi. İndi Azərbaycanla Senat dilində danışmaq olmaz. Azərbaycanla danışığın bir forması var: Haqq ədalət müstəvisində, yalvarışlı və yazıq formada danışıqda, Azərbaycan nəyisə güzəşt edə bilər. Biz 12 aylıq təqvimin 10 ayında Azərbaycana faciələr yaşadan Ermənistan adlı dövlətin başını əzmişik. Bu bizim heysiyyətimizə toxunan məsələdir. Amma bizi bu prosesdə müdafiə edənlər, Türkiyə, ən əsası bizim müdrik rəhbərimiz, qüdrətli ordumuz var. Ona görə də bu qərarlar bizim əhvalımıza təsir etməyəcək”.





Oxşar xəbərlər