Yazıçılar Birliyi Kann festivalına və Fransaya etiraz bəyanatı ünvanladı


  • 15:24 / 25 06 2020 |
  • Bölmə: Mədəniyyət və Şou


Azərbaycan Yazıçılar Birliyi Nora Martirosyanın Qarabağ həqiqətlərini kökündən təhrif edərək çəkdiyi “Əgər külək əsərsə” (Si le vent tombe) filminin Kann festivalının proqramına daxil edilməsinə etiraz bəyanatı yayıb. 

"Rupor" xəbər verir ki, Kann festivalına və Fransa dövlətinə ünvnlanlanan etiraz bəyanatında deyilir: 

"Biz hər zaman qeyd-şərtsiz söz azadlığı və yaradıcılıq sərbəstliyi uğrunda çıxış etmişik. Lakin biz inanırıq ki, hər hansı bir əsər millətlər arasında münaqişələrin dərinləşməsinə səbəb ola bilməz və olmamalıdır. 

Dərin təəssüf hissi ilə qeyd edirik ki, Nora Martirosyanın Qarabağ həqiqətlərini kökündən təhrif edərək çəkdiyi “Əgər külək əsərsə” (Si le vent tombe) filminin Kann festivalının proqramına daxil edilməsinə etiraz əlaməti olaraq  xalqlar arasında mövcud olan dostluq münasibətlərinə zərbə vurur. Azərbaycanın Ermənistan tərəfindən işğal edilmiş Dağlıq Qarabağ regionunda çəkilmiş bu film münaqişə haqqında həqiqətləri  tamamilə təhrif edir, separatçılığın təbliğinə və təcavüzünə əsaslanan status kvo-nun möhkəmlənməsinə xidmət edir. Diqqətinizə çatdırırıq ki, beynəlxalq ictimaiyyət, o cümlədən Fransa Azərbaycanın ərazi bütövlüyünü tanıyır və müvafiq olaraq qondarma “Dağlıq Qarabağı” tanımır. Azərbaycan torpaqlarını işğal edən Ermənistan özü belə bu qondarma “qurumu” tanımır. Belə bir filmin festivalın proqramına daxil edilməsi nəinki xalqlarımız arasında dostluğa vurulan zərbədir, həmçinin beynəlxalq hüququn norma və prinsiplərinə, Fransanın ənənəvi siyasətinə ziddi. 
Biz, Kann festivalı kimi mötəbər bir tribundan Ermənistanın işğalçı siyasətinə dəstək üçün istifadə edilməsinə qəti etiramızı bildiririk".



Oxşar xəbərlər