Finlandiya Baş nazirinin görüntüləri müzakirələrə səbəb oldu - VİDEO


  • 11:27 / 19 08 2022 |
  • Bölmə: Dünya


Finlandiya Baş naziri Sanna Marinin məkanların birində məşhurlarla birgə oxuyub oynamasını əks etdirən görüntülər sosial şəbəkələrdə müzakirə mövzusuna çevrilib. KİV, eləcə də sosial şəbəkə istifadəçiləri siyasətçinin gecədə narkotik vasitələrdən istifadə etdiyindən şübhələnib.  

“Rupor”
“İnterfaks”a istinadən xəbər verir ki, Sanna Marin keçirdiyi mətbuat konfransında yayılan görüntülərlə bağlı açıqlama verib.

“Söhbət şəxsi məkanda çəkilmiş şəxsi videolardan gedir. Təəssüf edirəm ki, onlar ictimaiyyətin sərvətinə çevriliblər”, - Marin deyib. O əlavə edib ki, şəxsi mənzildən sonra dostları ilə Helsinkinin mərkəzində yerləşən daha iki bara gedib.  

Baş nazirin sözlərinə görə, şənlik zamanı yüngül alkoqollu içkilər qəbul edib, amma narkotik istifadə etməyib: “Şəxsən mən narkotik istifadə etməmişəm, alkoqoldan başqa heç nə. Mən rəqs edirdim, oxuyurdum, əylənirdim, tamamilə qanunauyğun hərəkətlər edirdim. Mən digərlərinin narkotik istifadə etdiyini görməmişəm”.

Qeyd edək ki, daha əvvəl də Marin şənliklər səbəbindən qalmaqala düşüb. Belə ki, 2021-ci ilin dekabrında o, gecə klubuna gedib və xidməti telefonunu orada qoyub. Bu səbəbdən o, koronavirusa yoluxduğunu bilməyib və kompaniyada əylənməyə davam edib.





Oxşar xəbərlər