2006-cı ildə Ədəbiyyat üzrə Nobel mükafatı alan məşhur Türkiyə yazıçısı Orhan Pamukun "Məsumiyyət muzeyi" romanına serial çəkilir. 

"Rupor" Türkiyə mətbuatına istinadən xəbər verir ki, "Məsumiyyət muzeyi" serialının baş rolunda Çağatay Ulusoy olacaq. 

Netflix-in rəqibi Amazon Prime Video üçün çəkiləcəyi deyilən serialda Pınar Dəniz Ç.Ulusoyun tərəf-müqabili seçilib. 

Qeyd edək ki, Ç.Ulusoy dünya tamaşaçısına Netflix-in ilk türk kontenti "Hakan: Muhafız"-dan tanışdır. 

Amazon Prime Video-dakı ilk türk yapımı kontenti olacaq serialın nə zaman yayımlanacağı dəqiqləşməyib. Ancaq bəzi mənbələrdə serialın növbəti il hazır olacağı qeyd edilir. 

Əlavə məlumat üçün bildirək ki, "Məsumiyyət muzeyi" 2008-ci ildə yayımlanıb. Romanın Orhan Pamukun qızı Röyaya ithafən yazıldığı bildirilir. Müəllif bu kitab üzərində on il işləyib. Roman "New York Times" tərəfindən “2009-cu ilin Ən yaxşı kitabları” siyahısına salınıb. Bundan əlavə, O.Pamuk 2012-ci ildə romanın mövzusunu ehtiva edən eyniadlı muzey də yaradıb.



Oxşar xəbərlər