Deputata cinayət işi açıldı - İstintaq İdarəsi hadisəni araşdırır


  • 17:19 / 30 07 2021 |
  • Bölmə: Gündəm


İyul ayının 29-da saat 01 radələrində Xaçmaz şəhərində yerləşən “Starıy Dvor” restoranında Azərbaycan Respublikası Milli Məclisinin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi barədə Daxili İşlər Nazirliyindən daxil olmuş material Baş Prokurorluqda araşdırılıb.

Baş Prokurorluqdan "Rupor"a verilən məlumata görə toplanmış material üzrə Azərbaycan Respublikası Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanmış və istintaqın aparılması Baş Prokurorluğun İstintaq İdarəsinə tapşırılmışdır. 
Hazırda iş üzrə intensiv istintaq hərəkətləri aparılır. 

Kütləvi informasiya vasitələrindən dəqiqləşdirilməmiş məlumatların yayılmaması xahiş edilir. 

İstintaqın gedişatı barədə ictimaiyyətə əlavə məlumat veriləcəkdir.



Oxşar xəbərlər