Rufik İsmayılov - 38 - Fərəh hissi səni heç vaxt tərk etməsin!


  • 13:34 / 25 06 2020 |
  • Bölmə: Gündəm / Bilgi


Rufik Afis oğlu İsmayılov 25 iyun 1982-ci ildə Göyçə mahalı Basarkeçər rayonu Nərimanlı kəndində anadan olub. Ermənistanın işğalçılıq siyasəti nəticəsində 1988-ci ildə ailəsi ilə birlikdə deportasiya olunub, Bakı şəhərində məskunlaşıb. 

1998-ci ildə Bakı şəhəri Nəsimi rayonu Yusif Mirzəyev adına 44 saylı orta məktəbi bitirib.

1999-2003-cü illərdə Müstəqil Azərbaycan Universitetinin Humanitar elmlər fakültəsində Jurnalistika ixtisası üzrə ali təhsil alıb.

2005-2007-ci illərdə Naxçıvan Dövlət Universitetində “Mətbuat tarixi” istiqaməti üzrə magistr, 2011-2015-ci illərdə Bakı Dövlət Universitetinin Jurnalistika fakültəsinin “Mətbuat tarixi və ideoloji iş metodları” kafedrasında doktorantura təhsili alıb.

2014-cü ildə Azərbaycan Respublikasının Prezidenti Yanında Dövlət İdarəçilik Akademiyasında “Davamlı insan inkişafı” proqramı üzrə qısamüddətli ixtisasartırma kursu keçib.

12.07.2007-01.07.2008-ci il tarixdə Gəncə şəhərindəki “N” saylı hərbi-hissədə və Silahlı Qüvvələrin Təlim-Tədris Mərkəzində Ehtiyat Zabit Hazırlıq Kursunun Motoatıcı bölüyündə hərbi xidmətdə olub.

"Azad Azərbaycan”, “525-ci qəzet”, Naxçıvan Muxtar Respublıkası Ali Məclisinin və Nazirlər Kabinetinin rəsmi orqanı olan “Şərq qapısı” qəzetlərində müxbir, Naxçıvanın Dövlət Televiziya və Radio Verilişləri Komitəsinin (www.naxcivantv.az) “İctimai-siyasi verilişlər Baş Redaksiyası”nda redaktor vəzifəsində çalışıb.

Hazırda “Kaspi” qəzetinin parlament müxbiridir.

Beynəlxalq Jurnalistlər Federasiyasının (BJF) üzvüdür. 

Müxtəlif vaxtlarda Bələdiyyə və Prezident seçkilərində namizəd kimi iştirak edib. 

Rufik İsmayılovun jurnalistlik fəaliyyəti zənginliyi ilə xüsusən seçilir. Bu təqdimat daha geniş idi, doğum günü təbrikinə xas olanları saxladıq. Rufik bəyin imza atdığı bütün işlərin nəticəsi müsbət olur. Jurnalist gərək nöqtəsinin də qədrini bilsin. Rufik İsmayılov nöqtəbənöqtə qədir bilən insandır, qiymətləndirməyi və dəyərləndirməyi  bacaran jurnalistdir. 

Doğum günün mübarək, Rufik İsmayılov. Fərəh hissi səni heç vaxt tərk etməsin! 





Oxşar xəbərlər