Rusiya ordusunun qəfil döyüş hazırlığı Tovuz hadisələri ilə bağlıdır? - Rəsmi açıqlama


  • 16:23 / 18 07 2020 |
  • Bölmə: Gündəm / Siyasət


İyulun 18-də Azərbaycanın Müdafiə naziri general-polkovnik Zakir Həsənovun təşəbbüsü ilə Rusiyanın Müdafiə naziri ordu generalı Sergey Şoyqu ilə telefon danışığı olub.

"Rupor" xəbər verir ki, bu barədə Müdafiə Nazirliyi məlumat yayıb. 

Telefon danışığı zamanı tərəflər iki ölkə arasında dostluğa, qarşılıqlı etimada və mehriban qonşuluq münasibətlərinə əsaslanan əməkdaşlığın müxtəlif sahələrdə uğurla inkişaf etdiyini qeyd ediblər. Nazirlər ölkələrimizin hərbi sahədə əməkdaşlığının yüksək səviyyədə olduğunu qeyd edərək, hərbi və hərbi-texniki əlaqələrin inkişaf perspektivlərini müzakirə ediblər.

Nazirlər həmçinin, regional təhlükəsizlik məsələləri, eləcə də qarşılıqlı maraq doğuran digər məsələlər barədə də geniş fikir mübadiləsi aparıblar.

Telefon danışığı əsnasında Rusiya Federasiyasının Müdafiə naziri ordu generalı Sergey Şoyqu generel-polkovnik Zakir Həsənova Rusiya Silahlı Qüvvələrinin döyüş hazırlığının qəfil yoxlamaları tədbirləri haqqında məlumat verib.

Sergey Şoyqu bu tədbirlərin əvvəlcədən planlaşdırıldığını və heç bir halda Ermənistan-Azərbaycan sərhədində baş vermiş hadisələrlə bağlı olmadığını vurğulayıb.



Oxşar xəbərlər