Şirvanda arvadını öldürərək polisə güllə atan şəxs saxlanıldı


  • 15:38 / 19 02 2022 |
  • Bölmə: Gündəm / Hadisə / Bölgə


Şirvanda arvadını öldürərək polisə güllə atan şəxs saxlanılıb.

Baş prokrorluğunun Mətbuat xidmətindən "Rupor"un sorğusuna cavab olaraq bildirilib ki, fevralın 18-də, saat 18 radələrində 1979-cu il təvəllüdlü  Şirvan şəhər sakini   Abıyev Elnur Mətləb oğlu   şəxsi münasibətlər zəminində aralarında yaranmış mübahisə zamanı yaşadıqları evdə arvadı 1982-ci il təvəllüdlü Abıyeva Xəyalə Cabir qızına qoşa lüləli ov tüfəngi ilə 1 dəfə atəş açaraq hadisə yerindən qaçıb, ona tibb işçiləri tərəfindən tibbi yardım göstərilməsinə baxmayaraq xəstəxanada dünyasını dəyişib.

Elnur Abıyevin tutularaq istintaqa cəlb edilməsindən ötrü Şirvan Şəhər Polis Şöbəsinin əməkdaşları tərəfindən keçirilmiş əməliyyat-axtarış tədbirləri zamanı E.Abıyev polis əməkdaşlarını gördükdə özündə olan qoşa lüləli ov tüfəngi ilə onlara atəş açıb, həmin vaxt polis əməkdaşları tərəfindən xidməti silah tətbiq edilməklə onun hər iki ayaq nahiyəsinə  atəş açılaraq  hərəkət etməsinin qarşısı alınıb. Faktla bağlı Şirvan şəhər prokurorluğunda cinayət işi başlanıb.

Hazırda iş üzrə istintaq-əməliyyat tədbirləri davam etdirilir.

Həmçinin oxu: Arvadını öldürəndən sonra polisə silahlı müqavimət göstərən şəxs 3 dəfə məhkum olub

Həmçinin oxu: Arvadını öldürərək qaçan şəxs polislərə silahlı müqavimət göstərdi və güllələndi



Oxşar xəbərlər