Blinken və Lavrovdan Ukrayna  MÜZAKİRƏSİ


  • 10:21 / 05 12 2021 |
  • Bölmə: Siyasət


Rusiyanın xarici işlər naziri Sergey Lavrov və ABŞ dövlət katibi Entoni Blinken Ukraynadakı vəziyyətlə bağlı mübahisə ediblər.

"Rupor" Modern.az-a istinadən xəbər verir ki, bu barədə Bloomberg yazıb.

“Dekabrın 1-də Stokholmda ATƏT Xarici İşlər Nazirləri Şurasının iclasından əvvəl keçirilən qala-ziyafətdə şifahi danışıq olub. Tədbir zamanı Lavrov söz alaraq 2014-cü ildə Ukraynada baş vermiş hadisələrin dövlət çevrilişi olduğunu bildirib.

Bundan əlavə, o bildirib ki, NATO və Avropa İttifaqı qəsdən fərqli fikirləri boğur, Rusiyanı qorxutmağa çalışır.

Amerika Xarici İşlər Nazirliyinin rəhbəri cavabında bildirib ki, 2014-cü ildə Kiyevdə dinc nümayişçilərin atəşə tutulmasında Viktor Yanukoviçə sadiq olduğu iddia edilən qüvvələr iştirak edib, həmçinin NATO-nun müdafiə ittifaqı olduğunu vurğulayıb” ,- deyə məlumatda deyilir.

Son zamanlar Qərb ölkələrində, eləcə də Ukraynada Rusiyanın Ukrayna ərazisinə mümkün müdaxiləsi ilə bağlı bəyanatlar səslənir. Rusiya prezidentinin mətbuat katibi Dmitri Peskov bu cür məlumatları boş və əsassız gərginliyin artması adlandırıb.

Peskov vurğulayıb ki, Rusiya heç kim üçün təhlükə yaratmır. Eyni zamanda, o, bu cür bəyanatlara haqq qazandırmaq üçün təxribatların mümkünlüyünü istisna etməyib və Ukraynanın cənub-şərqində böhranın güc yolu ilə həlli cəhdlərinin ən ağır nəticələrinin olacağı barədə xəbərdarlıq edib.






Oxşar xəbərlər