Cəlilabadda şəhidin məzarüstü abidəsinin açılışı oldu


  • 16:01 / 13 05 2022 |
  • Bölmə: Siyasət / Sosial


Cəlilabad rayonunda I Qarabağ müharibəsi şəhidinin məzarüstü abidəsinin açılışı olub.

"Rupor" xəbər verir ki, Əşrəf Əli oğlu Hüseynovun bu gün şəhadətə qovuşduğu günüdür. Şəhidin məzarüstü abidəsi yenidən bərpa edilib.

Bu münasibətlə keçirilən açılış mərasimində şəhidin doğmaları, veteranlar, rayon sakinləri iştirak ediblər. Şəhidin məzarı ziyarət olunub, ətrafına tər güllər düzülüb və ruhuna dualar oxunub.

Qeyd edək ki, şəhid Ə.Hüseynov 1975-ci ildə Cəlilabad rayonunun Göytəpə şəhərində anadan olub. O, 1994-cü ildə Tərtərin Qapanlı istiqamətində gedən döyüşlərdə qəhramancasına döyüşərək 3 güllə yarası alaraq şəhid olub. Şəhidin nəşi Göytəpə şəhərində dəfn olunub.

Allah rəhmət eləsin!



Oxşar xəbərlər