ABŞ səfiri Azərbaycan və Ermənistan arasında sülh danışıqları ilə bağlı bəyanat yaydı


  • 18:16 / 19 05 2022 |
  • Bölmə: Siyasət / Hadisə


“ABŞ Azərbaycanla Ermənistan arasında ikitərəfli formatda sülh danışıqları üzrə vasitəçi kimi iştirak etməyə hazırdır”.

“Rupor” Report-a istinadən xəbər verir ki, bunu ABŞ-ın Ermənistandakı səfiri Linn Treysi “Armenpress”ə müsahibəsində bildirib.

Diplomat Azərbaycan Prezidenti İlham Əliyevlə Ermənistanın Baş naziri Nikol Paşinyan arasında aprelin 6-da Brüsseldə sülh danışıqları və sərhədlərin delimitasiyası üzrə ikitərəfli komissiyanın yaradılması ilə bağlı keçirilən görüşü alqışlayıb: “ABŞ Cənub Qafqazda sülh, demokratiya və rifahın çiçəklənməsinə sadiqdir. Dövlət katibi Antoni Blinkenin aprelin 5-də iki dövlətin lideri ilə telefon danışığı zamanı dediyi kimi, biz Azərbaycanla Ermənistan arasında sülh dialoqunun davam etdirilməsinə çağırırıq”.

Qeyd edək ki, bu il aprelin 6-da Brüsseldə Avropa İttifaqı Şurasının sədri Şarl Mişelin vasitəçiliyi ilə Azərbaycan Prezidenti İlham Əliyevlə Ermənistanın Baş naziri Nikol Paşinyan arasında ikitərəfli görüş olub. Tərəflər dövlət sərhədinin müəyyənləşməsi üzrə komissiyanın yaradılması barədə razılığa gəliblər.



Oxşar xəbərlər