Xırdalan bələdiyyəsi “Carlsberg Azerbaijan” ilə birgə elektron musiqi konserti keçirib - FOTO


  • 19:07 / 14 05 2022 |
  • Bölmə: Sosial / Xəbərlər


Xırdalan bələdiyyəsinin Avropa Birliyinin Azərbaycandakı nümayəndəliyinin və Göte İnstitutunun dəstəyi ilə həyata keçirdiyi "EU4Culture" - Şərq Tərəfdaşlığı ölkələrində Mədəni İnkişaf Strategiyalarının Hazırlanmasında qeyri-paytaxt şəhər və rayonlara dəstək layihəsi çərçivəsində ölkəmizin ən böyük pivə istehsalçısı olan “Carlsberg Azerbaijan” ilə birgə zavodun istehsalat sexində elektron musiqi konserti keçirilib.

Konsertdə Abşeron rayonu sakini olan gənc tarzən, bəstəkar və elektron musiqi prodüseri İbrahim Babayev yenicə işiq üzü görən “VİBrant” adlı albomunu canlı ifada təqdim edib. Konsert iştirakçıların böyük marağı ilə qarşılanıb.

Bu konsert bir neçə cəhətdən ölkəmiz üçün ilk sayılır: Sənaye müəssisəsində elektron musiqi konsertinin təşkili;
Elektron musiqinin tarla sintezinin canlı və ictimai təqdimatı;
Biznes qurumunun innovativ mədəniyyət hadisəsinə ev sahibliyi etməsi.

Konsertdə çıxış edən “Carlsberg Azerbaijan”ın baş direktoru Alius Antulis cəmiyət üçün aktual olan ictimai və mədəni tədbirlərə böyük maraq göstərdiklərini bildirib. O, “Carlsberg Group”un bir hissəsi olan “Carlsberg Azerbaijan”ın bu konsertə ev sahibliyi etməsinin təsadüfi olmadığını, müəssisələrinin fəaliyyət göstərdiyi ərazilərdə elm və incəsənətə daim dəstək göstərdiklərini bildirib.

Xırdalan bələdiyyəsinin sədri Orxan Musayev bu konsertin şəhər ərazisində yerləşən sənaye müəssisəsinin yerli icma, yerli özünüidarəetmə qurumu və QHT-lərlə birgə mədəni fəaliyyətə cəlb olunması, şəhərin daha zəngin və rəngarəng mədəni panormasını yaratmaq məqsədi ilə atılan ilk addım olduğunu deyib.
O. Musayev gələcəkdə şəhərin müxtəlif sənaye məkanlarında, eyni zamanda Xırdalanda açıq havada olan ictimai məkanlarda elektron musiqi festivalının təşkilinin nəzərdə tutulduğunu bildirib.

Layihənin eksperti, Əməkdar incəsənət xadimi Cahangir Səlimxanov konsert proqramı haqqında məlumat verib və bu tədbirin Xırdalanda fəaliyyət göstərən digər sənaye müəssisələrinə Korporativ Sosial Məsuliyyət (“Corporate Social Responsibility”) sahəsində əməkdaşlıqla bağlı çağırış kimi də dəyərləndirilə biləcəyinu vurğulayıb






Oxşar xəbərlər