Allahşükür Paşazadə İranı kəskin tənqid etdi - VİDEO


  • 13:09 / 20 06 2022 |
  • Bölmə: Video / Hadisə


“Bizim torpaqlarımız Ermənistan tərəfindən 30 il vəhşicəsinə vandalizmə məruz qalıb. Bu torpaqlar insanları yaşatmaq üçündür. Allah-təala Quranda buyurub ki, Yer üzünü sizin üçün yaratdım. Siz onu xarab etməyin, axı mən yaratmışam. Bu, müqəddəsdir, Allah-təala bizə yaradıb. Biz bunu müqəddəs kimi saxlamalıyıq. Ermənilərin torpaqlarımızı yandırması, minalaması, indi də dinc insanların orada həlak olması və ən mühümü, onları məcbur torpaqlardan uzaqlaşdıranda evlərini, hətta öz heyvanlarını yandırması, məhv etməsi, kəsməsi, bütün bunların hamısı Allahın dediklərinə üsyan etməkdir. Ona görə də bunlar fəlakətlərə gətirib çıxarıb”.

"Rupor" xəbər verir ki, bunu Qafqaz Müsəlmanları İdarəsinin sədri, şeyxülislam Allahşükür Paşazadə REAL TV-yə müsahibəsində deyib.

Dünyanın, qonşu dövlətlərin erməni vəhşiliyinə səssiz qaldığını deyən Şeyx sözlərinə belə davam edib:

“Bizim torpaqlarımızda mədəniyyət irsimizə hörmət olunmadı. Məscidlərimiz dağıdıldı, orada donuzlar saxlanıldı. Bu cür məsələlərdə dünya ictimaiyyəti, bizim qonşularımız heç olmasa bir dəfə səslərini çıxarıb, bizi müdafiə etdilərmi? Yaxşı, oradakı müsəlmanlar etmədilər. Xristianların da kilsələri yandırıldı, dağıdıldı. Onlar da səslərini çıxarmadılar. Amma indi bəzi yerlərdən havadarlar çıxır ki, nəyə görə orada bu kilsə belə oldu, bu məscid yandırıldı...?!”

Şeyxin açıqlamasını təqdim etdiyimiz videoda daha ətraflı izləyə bilərsiniz.





Oxşar xəbərlər