Qarabağdakı erməni silahlı birləşmələrinin təslim olması gözlənildiyi kimi Ermənistanı silkələdi.

Ermənistan mətbuatının verdiyi məlumata görə,  İrəvanda hökumət binası  qarşısına toplaşan insanlarla  polis arasında   toqquşma yaşanıb.

Nümayişçilər baş nazir Nikol Paşinyanın istefasını tələb ediblər.

Paşinyanın partiyası, Mülki Müqavilənin deputatları Ovik Ağazaryan və Akop Aslanyan və hərbçi ailələri arasında mübahisə qısa zamanda davaya çevrilib.

Müharibədə həlak olan əsgərin yaxınları Ağazaryanı yumruqlayıblar.

Ermənistanın paytaxtı İrəvanda axşam saatlarında yenidən nümayişlərin keçiriləcəyi gözlənilir.