Türkiyənin Adana şəhərində 4 gün əvvəl iş adı ilə evdən çıxıb və bir daha geri qayıtmayan 17 yaşlı Nazmiye Çolak və 16 yaşlı Selin Yezdanur tapılıb.

RUPOR.AZ trend-ə istinadən xəbər verir ki, əmiqızı olan yeniyetmələr polisin araşdırması zamanı şəhərin başqa bir qəsəbəsində parkdan tapılıblar.

Qeyd edək ki, halbuki bazar günü səhər saatlarında yoxa çıxan qızlar saatlar sonra ailələrinə "Özümüzə kirayə ev tutduq, iş tapdım. İndi öz ayağımız üstə duracağıq", - mesajı yazmışdılar. Məlum olub ki, onlar evdən qaçdıqları bu müddət ərzində gecəni harada, necə gəldi gecələyərək keçiriblər və onlar valideyinlərini aldadıblar.

Yeniyetmə qızlar artıq ailələrinə təhvil verilib.