Blogger-bodibildinq Castin Viki şəxsi rekordunu göstərməyə çalışıb və ağır onurğa və boyun zədəsindən faciəvi şəkildə ölüb.

Rupor.az lent.az-a istinadən bildirir ki, Balidəki idman klublarından birində idmançı 204 kiloqram çəkisi olan ştanqı qaldırmağa çalışıb.

Qeyd olunur ki, Vikinin ayaqları ağır yükə tab gətirə bilməyib və ştanq onun boynuna düşüb.

Xəsarət alan bodibilder onurğa və boyun sınığı ilə xəstəxanaya çatdırılsa da, həkimlər onun həyatını xilas edə bilməyiblər.

Mərhumun 33 yaşı var idi. O, qidalanmanın korreksiyası və şəxsi məşqlə məşğul idi və sosial şəbəkələrdə 30 mindən çox abunəçisi olub.